Geetham Geetham Jeya Jeya

கீதம் கீதம் ஜெய ஜெய கீதம்

கை கொட்டிப் பாடிடுவோம்

இயேசு ராஜன் உயிர்த்தெழுந்தார் அல்லேலூயா

ஜெயம் என்று ஆர்ப்பரிப்போம் - ஆ! ஆ!

பார் அதோ கல்லறை மூடின பெருங்கல்

புரண்டுருண்டோடுது பார் - அங்கு

போட்ட முத்திரைக் காவல் நிற்குமோ

தேவ புத்திரர் சந்நிதிமுன் - ஆ! ஆ!

வேண்டாம் வேண்டாம் அழுதிட வேண்டாம்

ஓடி உரைத்திடுங்கள் - தாம்

கூறின மாமறை விட்டனர் கல்லறை

போங்கள் கலிலேயாவுக்கு – ஆ! ஆ!